Бишкекте Алыкул Осмонов атындагы Улуттук китепкананын Чыңгыз Айтматов залында Ат-Башы жергесинен чыккан белгилүү өнөр ээлери Сейитказы Андабеков менен Койсун Карасартованын элесине арналган «Тоо койнундагы эки залкар» аттуу китептин бет ачары болуп өттү. Бул тууралуу Маданият министрлиги билдирди.
Иш-чарага министрдин орун басары Марат Тагаев, тарыхчы Аман Турдакунов, Кубат Асан уулу, коомдук фонддун жетекчиси Болот Андабеков жана залкарлардын үй-бүлө мүчөлөрү катышты.
Бет ачардын жүрүшүндө Улуттук китепкана тарабынан көргөзмө уюштурулуп, чыгармачылык өмүргө арналган видеотасма көрсөтүлдү. Аны менен катар китептин автору Бакыт Нышан эмгектин жаралуу тарыхы тууралуу маалымат берди.
Иш-чаранын соңунда китеп Улуттук китепкананын директору Элдар Аттокуровго тапшырылды.
