Агартуу министрлиги Кыргызстан Россиядан мурда түзүлгөн меморандумдун алкагында кыргыз-орус жумушчу тобу тарабынан адаптацияланган окуу китептеринин ири партиясын алгандыгын кабарлады.
Маалыматка ылайык, окуу китептерин берүү жөнүндө тиешелүү меморундум Кыргызстан менен Россиянын Агартуу министрликтеринин ортосунда түзүлгөн.
Өлкөгө жалпысынан 651 миң нуска алып келинди. Китептер Россиянын аймагында басылып чыгып, Кыргызстанга толугу менен жеткирилди.
Окуу китептери кыргыз жана орус тилдеринде билим берген мектептер үчүн төмөнкү предметтер боюнча даярдалган:
- «Орус тили жана окуу»;
- «Орус тили»;
- «Орус адабияты»;
- «Орус адабияты жана дүйнөлүк адабият».
Окуу китептери 1, 2, 5, 7-класстар үчүн ылайыкташтырылган жана белгиленген талаптарга ылайык тартылган эксперттер тарабынан тиешелүү экспертизадан өткөн.
Учурда 3, 4, 6, 8 жана 9-класстар үчүн ошол эле предметтер боюнча окуу китептерин чыгаруу (адаптациялоо) боюнча иштер башталды.
